हामी सबैकाे संसारन्यूज

काठमाडौं । नेपाली सेनाले अमेरिकासँग स्टेट पार्टनरसिप प्रोग्राम (एसपीपी) सम्बन्धी कुनै सम्झौता नगरेको बताएको छ ।

नेपाली सेनाले विभिन्न संचारमाध्यममा आएका एसपीपी सम्बन्धी समाचारमा ध्यानाकर्षण भएको जनाउँदै एसपीपी सम्बन्धी कुनै पनि सम्झौता वा समझदारी नेपाली सेनाले अमेरिकी सेना वा सरकारसँग नगरेको र त्यस्तो सम्झौता गर्नेतर्फ प्रक्रिया नभएको समेत स्पष्ट पारेको हो ।

नेपाली सेनाको जनसम्पर्क निर्देशनालयले बुधबार राति विज्ञप्ति नै जारी गर्दै भनेको छ–नेपालले अवलम्बन गरेको असंलग्न परराष्ट्र नीति, नेपालको विशिष्ट भू–राजनैतिक अवस्थिति एवं सामरिक संवेदनशीलतामा प्रतिकुल असर गर्नेगरी कुनै पनि सैनिक साझेदारी भविष्यमा कोही कसैसँग पनि गर्न नहुने वस्तुगत यर्थाथतामा नेपाली सेना सदैव प्रष्ट र सचेत रहेको व्यहोरा सम्पूर्ण जनमानस तथा संचार जगतलाई जानकारी गराइन्छ ।’