Sansar News
काठमाडौं । हाल देशैभरी सक्रिय रहेको मनसुनी वायुको प्रभावका कारण देशभर आँशिक देखि सामान्य बदली रही देशका धेरै स्थानहरुमा हल्का देखि मध्यम वर्षाको सम्भावना रहेको छ ।
मौसम पूर्वानुमान महाशाखाका अनुसार आज दिउँसो सुदूरपश्चिम प्रदेशका एक–दुई स्थानहरुमा भारी वर्षाको समेत सम्भावना रहेको छ ।
त्यस्तै राति पनि देशका केही स्थानहरुमा हल्का देखि मध्यम वर्षाको सम्भावना रहेको छ भने कर्णाली र सुदूरपश्चिम प्रदेशका एक–दुई स्थानहरुमा भारी वर्षाको समेत सम्भावना रहेको महाशाखाले जनाएको छ ।
त्यस्तै बाढी पूर्वानुमान महाशाखाका अनुसार आगामी ३ दिनसम्म प्रमुख नदीहरूको बहाव सतर्कता तह भन्दा तलै रहने पूर्वानुमान रहेको छ ।
त्यस्तै सिन्धुपाल्चोक, बाग्लुङ, डोटी, कन्चनपुर, डडेल्धुरा, बैतडी र दार्चुला आसपास भइ बहने स–साना नदीहरुमा बहाब बढ्ने र केहीमा आकस्मिक वहाव समेत हुन सक्ने पूर्वानुमान रहेकाले सतर्कता अपनाउन अनुरोध गरिएको छ ।
वि.सं.२०७९ असार २१ मंगलवार ०९:१५ मा प्रकाशित
