Sansar News
काठमाडौं । नेकपा (माओवादी केन्द्र) को केन्द्रीय समितिको राजधानीमा जारी बैठक स्थगित भएको छ ।
काठमाडौंको कमलादीस्थित प्रज्ञा भवनमा २ दिनदेखि जारी केन्द्रीय समितिको बैठक आज अन्तिम दिन स्थगित गरिएको बताइएको छ ।
सो पार्टीका प्रवक्ता कृष्ण बहादुर महराका अनुसार आज ११ बजे बस्ने भनिएको बैठक स्थगित गरेर भोली बुधबार बस्ने भएको हो ।
आजको बैठकमा पार्टीका अध्यक्ष पुष्पकमल दाहाल ‘प्रचण्ड’ले आइतबार पेश गरेको राजनीतिक प्रतिवेदनमाथि उठेका प्रश्नहरुको जवाफ दिने र बैठक समापन गरिने बताइएको थियो ।
आइतबारदेखि सुरु भएको केन्द्रीय समितिको बैठकमा सोमबारसम्म सदस्यहरुले प्रचण्डको प्रतिवेदनमाथि आफ्नो धारणा राखेका थिए ।
स्रोतका अनुसार यहि बैठकले नै पदाधिकारीको टुंगो लगाउन नेतृत्वमाथि दवाव बढेपछि अध्यक्ष प्रचण्डले पदाधिकारी चयनका लागि आन्तरिक छलफल थालेका छन् ।
धारणा राख्ने क्रममा अधिकांशले पार्टीलाई भद्रगोल अवस्थामा नराखी यहि बैठकबाट पदाधिकारी चयन गर्न नेतृत्वलाई दवाव दिइरहेका थिए । साथै आगामी निर्वाचनमा गठबन्धन भन्दा एक्लै प्रतिश्पर्धा गर्नुपर्ने, स्थानीयतह निर्वाचनमा भएका अन्तर्घातको छानविन गरी कारबाही गर्नुपर्ने लगायतका धारणा समेत राखेका थिए ।
माओवादी केन्द्रीय समिति बैठकको दोस्रो दिन, आज कुन नेताले के भने ?
वि.सं.२०७९ असार २१ मंगलवार ११:४१ मा प्रकाशित
