हामी सबैकाे संसारन्यूज

बिग एजुकेसन कन्सल्टेन्सीले ‘५ ’ए’ साइट ओपन फुटसल टुर्नामेन्ट प्रतियोगिता’को आयोजना गर्ने भएको छ ।

विद्यार्थीको रोजाईको र पृथक परिचय बनाउन सफल एजुकेसन कन्सल्टेन्सीले प्रतियोगिता आगामी साउन १४ गते अर्थात् जुलाई ३० मा आयोजना गर्ने भएको हो । प्रतियोगिता ललितपुरको इमाडोलस्थित यला फुटसल एण्ड रिक्रिएसन सेन्टरमा हुने आयोजकले जनाएको छ ।

खुल्ला प्रतियोगिता भएको कारण जुनसुकै टोलीले यस प्रतियोगिता खेल्न पाउने छन् भने सहभागिता जनाउनले ४ हजार दर्ता शुल्क तिर्नुपर्नेछ । प्रतियोगिताको विजेतालाई ५० हजार नगदसहित ट्रफी, मेडल र प्रमाणपत्र प्रदान गरिनेछ भने उपविजेता टिमले नगद ३० हजार नगदसहित ट्रफी, मेडल र प्रमाणपत्र प्रदान गरिने जनाइएको छ ।

त्यस्तै व्यक्तिगत विधातर्फ उत्कृष्ट खेलाडी, उत्कृष्ट गोलकिपर र सर्वाधिक गोलकर्ता खेलाडीलाई फुटसल बुट, मेडल र प्रमाणपत्र प्रदान गरिने कार्यक्रम रहेको पनि उक्त कन्सल्टेन्सीले जनाएको छ । प्रतियोगिताको मुख्य प्रायोजकमा बिग एजुकेसन कन्सल्टेन्सी तथा इन एसोसियसन विथमा मो बो स्टेसन र हिमालयन जाभा रहेको छ भने प्रतियोगिताको मेडिकल पार्टनरमा लियो अल्का क्लब र मिडिया पार्टनरमा खेलपाटी डटकम रहेको बताइएको छ ।