Sansar News
काठमाडौं । महिलामाथि हुने हिंसा रोक्न कानुन बनाउनु परेको गृहमन्त्री बालकृष्ण खाणले बताएका छन् । गृहमन्त्री खाणले महिला र बालबालिकामाथि हिंसा बढ्दै गएकाले कारबाही र नियमन गर्नका लागि विधेयक बनाइएको बताएका हुन् ।
राष्ट्रियसभाको आजको बैठकमा गृहमन्त्री खाणले प्रतिनिधिसभाबाट सन्देशसहित प्राप्त उक्त विधेयकमाथि विचार गरियोस् भन्ने प्रस्ताव प्रस्तुत गरेका थिए । राष्ट्रिय सभाका अध्यक्ष गणेशप्रसाद तिमिल्सिनाले उक्त प्रस्तावलाई सर्वसम्मतिले स्वीकृत भएको घोषणा गरेका हुन् ।
राष्ट्रियसभाको आजको बैठकले तेजाब तथा अन्य घातक रासायनिक पदार्थ (नियमन) विधेयक, २०७९ माथि विचार गरियोस् भन्ने प्रस्ताव सर्वसम्मतिले स्वीकृत गरेको छ ।
वि.सं.२०७९ असार २३ बिहीवार १४:१० मा प्रकाशित
