Sansar News
काठमाडौं । नेकपा (माओवादी केन्द्र)को केन्द्रीय समितिको तेस्रो पूर्णं बैठक सम्पन्न भएको छ । बैठकले स्थायी समिति र पोलिटब्यूरो टुंगो लगाएको भएपनि पदाधिकारीबारे भने निर्णय लिन सकेन ।
बैठकमा पार्टी अध्यक्ष पुष्पकमल दाहाल ‘प्रचण्ड’ले पदाधिकारीबारे टुंगो लगाउन थप केही दिनको समय माग गरेका छन् । उनले थप गृहकार्य आवश्यक रहेको बैठकलाई जानकारी गराएको एक नेताले संसार न्यूजलाई बताए । उनका अनुसार चार दिनसम्म टुंगो लगाउने प्रतिबद्धता प्रचण्डले गरेका छन् ।
प्रचण्डले पदाधिकारीसँगै स्थायी समितिका बाँकी सदस्यको नाम पनि टुंगो लगाउने छन् । आजको बैठकले ४१ सदस्यीय स्थायी समितिमा ३३ जनाको मात्रै नाम टुंगो लगाएको छ ।
माओवादीमा एक वरिष्ठसहित ६ उपाध्यक्ष, एक महासचिव, २ उपमहासचिव, ३ सचिव र १ कोषाध्यक्षसहितका पदाधिकारी चयन गर्न बाँकी छ । विशेषगरि महासचिव पदमा देखिएको किचलोको कारण माओवादीले अन्य पदाधिकारीबारे निर्णय लिन सकेको छैन् ।
पूर्वस्थायी समिति बैठकले पदाधिकारीको टुंगो लगाउन पार्टी अध्यक्ष प्रचण्डलाई जिम्मा दिएको भएपनि केन्द्रीय समितिमा उनले निर्णय सुनाउन सकेनन् ।
सम्बन्धित समाचार
वि.सं.२०७९ असार २३ बिहीवार १७:५१ मा प्रकाशित
