हामी सबैकाे संसारन्यूज

काठमाडौं । शाइन रेसुङ्गा डेभलपमेन्ट बैंकले डिजिटल बैंकिङको संस्कृतिलाई बढावा दिन वेब पोर्टल डीजीशाइन सञ्चालनमा ल्याएकाे छ । बैंकले आफ्ना ग्राहकहरूलाई एकल विन्डो मार्फत विभिन्न प्रकारका नयाँ अनलाइन सेवाहरू प्रदान गर्ने अनलाइन वेब पोर्टल डीजीशाइन सुरु गरेको हो ।

बैंकका अनुसार ग्राहकहरूले अनलाइन खाता खोल्न र मोबाइल बैंकिङ, इन्टरनेट बैंकिङ, क्युआर कोड, डेबिट कार्ड, डिम्याट जस्ता सेवाहरूको लागि आवेदन दिन सक्नेछन् । मेरो शेयर डिजी शाइन वेब पोर्टल  https://webservices.srdb.com.np/ मार्फत बैंकमा भौतिक रूपमा उपस्थित नभईकन ग्राहकहरूले मोबाइल र अनलाइन बैंकिङ, माई सेयर, सीआरएन नम्बर रजिष्ट्रेसन र जानकारी, क्यूआर कोड रजिष्ट्रेसन र पासवर्ड रिसेट, र डेबिट कार्ड दर्ता जस्ता निःशुल्क सेवाहरूको लागि पनि एउटै वेब पोर्टलबाट दर्ता गर्न सक्ने बैंकले जनाएको छ ।

उक्त सेवाले ग्राहकहरुका लागि थप मूल्य अभिवृद्धि गर्नुका साथै डिजिटल बैंकिङको संस्कृतिलाई बढावा दिने बैंक आशा लिएको छ । बैंकले डिजिटल कारोबारलाई प्रोत्साहन गर्न हाल भिसा नेटवर्कमा जडित कुनै पनि बैंक वा वित्तीय संस्थामा डेबिट कार्ड प्रयोग गरी निःशुल्क नगद झिक्ने सुविधा उपलब्ध गराउँदै आएको जनाएको छ ।

बुटवल, रुपन्देही जिल्लामा मुख्यालय रहेको बैंकले नेपाल राष्ट्र बैंकबाट जारी गरिएका सबै निर्देशन र अन्य प्रचलित कानुन र नियमहरूको पालना गर्दै शहरी तथा ग्रामीण दुवै ग्राहकका लागि सहज वित्तीय पहुँचलाई प्राथमिकतामा राखेकोसमेत जनाएको छ ।

बैंकले हाल ५ प्रदेशमा ८४ वटा शाखा कार्यालय, १ एक्सटेन्सन काउन्टर र १५ वटा एटिएम सञ्जाल मार्फत बैंकिङ्ग सेवा प्रदान गर्दै आइरहेको जनाएको छ । साथै छिट्टै विभिन्न स्थानमा थप २ वटा एटीएम टर्मिनल खोल्ने प्रक्रियामा रहेको बैंकले जनाएको छ ।