Sansar News
काठमाडौं । बाजुराको बुढीगंगा नगरपालिकाको मेयरमा नेकपा एमालेका राम बहादुर बानियाँ बिजयी भएका छन् ।
स्थानीय तहको निर्वाचनको विहीवार सम्पन्न पुन मतदानका क्रममा बुढी गंगाको प्रमुखमा एमालेका बानिया र उपप्रमुखमा पनि एमालेकै माया कुमारी खड्का (कुँवर) विजयी भएकी छन् ।
मेयरमा बानियाँले ४ हजार ७७७ मत ल्याएर विजयी हुँदा उनका निकटतम प्रतिद्धन्द्धी नेपाली कांग्रेसका उम्मेदवार रंग बहादुर खातीले ३ हजार ७७४ मत प्राप्त गरेका छन् ।
त्यसैगरी उपमेयरमा कुँवरले ४ हजार ७२७ मत प्राप्त गरेर विजयी हुँदा ् कांग्रेसकी रिता शाही (शाह) दे ३ हजार ७५५ मत प्राप्त गरेकी थिइन् ।
बुढीगंगाका वडा नं १, २, ३, ५, ६, ९ र १० मा नेकपा एमालेका उम्मेदवारहरु विजयी भएका छन भने वडा नं ४, ७ र ८ मा कांग्रेस विजयी भएको छ ।
गत बैशाख ३० मा सम्पन्न निर्वाचन स्वतन्त्र हुन नसकेपछि निर्वाचन आयोगले बुढीगंगामा पुनः निर्वाचन गराउने निर्णय गरे अनुसार बिहीबार पुन मतदान गरिएको थियो ।
वि.सं.२०७९ असार २६ आइतवार १४:१६ मा प्रकाशित
