Sansar News
काठमाडौं । नबिल बैंक र नेपाल बङ्गलादेश बैंकका २० वटा शाखा बन्द हुने भएको छ । नबिल बैंकले शुक्रबार एक सूचना जारी गर्दै नबिलको ३ र नेपाल बङ्गलादेश बैंकको १७ वटा शाखालाई स्थानान्तरण गरी नजिकै रहेको शाखामा समायोजन हुने जनाएको हो ।
बैंकले हाल कायम शाखा र समायोजन हुने २० वटा शाखाको दुरी एउटा शाखाको बाहेक अन्य सबै आधा किलोमिटर भन्दा कम रहेको जनाएको छ । नेपाल बङ्गलादेश बैंकका भैरहवा शाखा रुपन्देही जिल्ला, सिद्धार्थनगर नगरपालिका-७, सिद्धार्थनगर र भैरहवा शाखा रुपन्देही जिल्ला, सिद्धार्थनगर नगरपालिका-१३को दुरी भने एक किलोमिटर रहेको सूचनामा उल्लेख छ ।
नबिल बैंक र नेपाल बङ्गलादेश बैंकले भोली(असार २७ गते) सोमबारबाट एकिकृत वित्तिय कारोबार सञ्चालन गर्ने जनाएको छ । समायोजन पछि नबिल बैंकको नामबाट एकिकृत कारोबार गर्ने बैंकले जनाएको छ ।
सूचनाः
नबिल र नेपाल बङ्गलादेश बैंकका सम्पूर्ण बैकिङ्ग सेवा तथा कारोबार बन्द(सूचनासहित)
वि.सं.२०७९ असार २६ आइतवार १३:४४ मा प्रकाशित
