Sansar News
काठमाडौं । सनराइज बैंकले संस्थागत सामाजिक उत्तरदायित्वअन्तर्गत निशुल्क आँखा शिविर सञ्चालन गरेको छ । बैंकले कैलालीको चुरे गाउँपालिकामा निशुल्क आँखा चेकजाँच शिविर संचालन गरेको हो ।
बंैकले अत्तरीया तथा चुरे शाखाको र नेपाल नेत्रज्योतीसंघ गेटाआँखा अस्पताल कैलालीको सहकार्यमा चुरे गाउँपालिकामा रहेको सहजपुर स्वास्थ्यचौकीमा निशुल्क आँखा चेकजाँच शिविर गरेको जनाएको छ । बैंकका अनुसार उक्त एक दिने निशुल्क आँखा चेकजाँच शिविरमा ४ सय भन्दा बढीले निशुल्क आँखा चेकजाँच गराएका थिए भने औषधी तथा निशुल्क चस्मा समेत बितरण गरिएको थियो ।
बैंकले बैंकिङ्ग सेवाका अतिरिक्त सामाजिक उत्तरदायित्व बहनगर्दै सो कार्यक्रम आयोजना गरेको जनाएको छ । बैंकले शिविरमा मोतिबिन्दु देखिएका ३० जनालाई निशुल्क शल्यक्रिया समेत गरिने जानकारी दिएको छ । स्थानिय व्यक्तिहरुलाई सेवा दिने उद्देश्यले बैंकले गाउँमै निशुल्क आँखा चेकजाँच कार्यक्रम आयोजना गरिदिएकोमा स्थानियहरुले धन्यबाद समेत दिएको बताइएको छ ।
यसैगरी बैंकले बिर्तामोड शाखाको आयोजना तथा दृष्टि आखाँ अस्पताल बिर्तामोडको सहकार्यमा अर्जुनधारा नगरपालिका वडा नं. ३ कार्यालय परिसर खुदुनाबारीमा एक दिने निःशुल्क आँखा तथा कान परिक्षण शिविर सम्पन्न गरेको छ ।
उक्त शिविरमा समेत सहभागी २८० जनाको निशुल्क आँखा तथा कान परिक्षण गर्नुका साथै चश्मा र औषधी निशुल्क प्रदान गरिएको बैंकले जनाएको छ । उक्त कार्यक्रमा मोतिबिन्दु देखिएका १४ जनाको निशुल्क शल्यक्रिया समेत गरिने बिर्तामोड शाखाका प्रमुख गणेश कुमार गुरागाईले जानकारी दिएका छन् ।
वि.सं.२०७९ असार २८ मंगलवार १०:४० मा प्रकाशित
