Sansar News
काठमाडौं । नेपाली कांग्रेसको केन्द्रीय कार्य समितिको बैठकमा प्रदेशसभापतिहरुले मर्यादाक्रम नमिलेको भन्दै आपत्ति जनाएका छन् ।
पार्टी कार्यालय सानेपामा सोमबारदेखि जारी केन्द्रीय समिति बैठकमा सातै प्रदेशका सभापतिहरूले छुट्टै बसेर लिखित असन्तुष्टि तयार पारेर केन्द्रीय बैठकमा पेस गरेका छन् ।
बैठकमा प्रस्तुत भएको मर्यादमाक्रम सम्बन्धी प्रस्तावमा उनीहरुले आफुहरुको मर्यादाक्रम घटाईको भन्दै आपत्ति जनाएका हु्न् ।
बैठकमा गण्डकी प्रदेशका सभापति शुक्रराज शर्माले प्रदेश सभापतिको मर्यादाक्रम ११ नम्बरमा पुर्याइएकोमा आपत्ति जनाउँदै आफुहरु केन्द्रीय सदस्यभन्दा माथि रहेको भन्दै सभापति पछि आफूहरुको मर्यादाक्रम राखिनुपर्ने माग राखेका हुन् ।
बैठकमा पेश गरिएको मर्यादाक्रम अनुसार पहिलो नम्बरमाा केन्द्रीय सभापति, दोस्रोमा पूर्वकेन्द्रीय सभापति, तेस्रोमा प्रधानमन्त्री, चौथोमा पूर्वप्रधानमन्त्री, पाँचौँमा संसदीय दलका नेता, छैटौँमा केन्द्रीय पदाधिकारी तथा सातौँमा संसदीय दलका पूर्वनेता, आठौंमा केन्द्रीय पदाधिकारी, नवौँमा केन्द्रीय सदस्य र दशौँमा राष्ट्रियसभा दलका नेता र एघारौँ नम्बरमा प्रदेश सभापतिलाई राखिएको छ ।
वि.सं.२०७९ असार २८ मंगलवार १६:५३ मा प्रकाशित
