हामी सबैकाे संसारन्यूज

काठमाडौं । गैरआवासीय नेपाली संघले सरकारले संशोधन सहित प्रतिनिधिसभामा पेश गर्न लागेको नागरिकता ऐन बारे छलफल गर्नराष्ट्रियसभाका अध्यक्ष गणेश प्रसाद तिमिल्सिनालाई भेट गरेको छ ।

उक्त भेटघाटमा संघका कार्यकारी अध्यक्ष कुल आचार्य र अध्यक्ष डा बद्रि केसी लगायतका प्रतिनिधिहरुले सरकारले संशोधन सहित प्रतिनिधिसभामा पेश गर्न लागेको नागरिकता ऐन बारे छलफल गरेका थिए ।

भेटमा अध्यक्ष तिमिल्सिनाले गैरआवासीय नेपाली नागरिता विषयमा संविधानमा प्रावधान भएको विषयबाट पछि हट्न नसकिने र यदि यसमा केही सुधार गर्नु पर्ने विषय प्रतिनिधिसभाले नै गर्ने बताए । तिमिल्सिनाले नागरिकता ऐन राष्ट्रिय सभामा पेश भएपछि संशोधित ऐनमाथि छलफल गरेर चाडै नै प्रक्रिया पुरा गरिदिने जानकारी समेत दिए ।

उक्त भेटघाटका क्रममा संघका उपाध्यक्ष महेश कुमार श्रेष्ठ, युरोप क्षेत्रीय संयोजक चिन्तामणि सापकोट र सचिवालय अधिकृत कुनाल मिश्राको उपस्थिति रहेको थियो ।

छिट्टै पास हुने नेम्वाङको आश्वासन

सोहि टोलीले संविधानसभाका अध्यक्ष सुवास नेम्वाङलाई पनि घेट गरेको छ । संघका कार्यकारी अध्यक्ष कुल आचार्य र अध्यक्ष डा बद्रि केसी लगायतका प्रतिनिधिहरुले सरकारले संशोधन सहित प्रतिनिधिसभामा पेश गर्न लागेको नागरिकता ऐन बारे छलफल गरेका थिए ।

गैरआवासीय नेपाली नागरिकताको विषयमा सुरुको अवस्थादेखीनै नेम्वाङ संलग्न रहेको भन्दै सो टोलीले प्रतिनिधिसभामा अब पेश हुन लागेको ऐनमा पनि संविधानमा प्रावधान रहेको गैरआवासीय नेपालीको अधिकारलाई संबोधन गर्न नेम्वाङको महत्वपूर्ण भूमिका रहने बताएका छन् । सोहि अवसरमा नेम्वाङले संविधानमा ब्यवस्था भएको अधिकारलाई यस ऐनमा समेटिएको र सबै दल यसमा सहमत रहेको र छिटै पास गर्ने जानकारी दिएका थिए ।

उक्त भेटमा पनि उपाध्यक्ष महेश कुमार श्रेष्ठ, युरोपका क्षेत्रीय संयोजक चिन्तामणि सापकोट र सचिवालयका अधिकृत कुनाल मिश्रालगायतको सहभागीता रहेको थियो ।

त्यसैगरी सोहि विषयलाई लिएर संघका पदाधिकारीले गृहसचिव टेक नारायण पाण्डेसँग पनि भेट गरेको छ । सचिव पाण्डेले संशोधित ऐन बारे जानकारी दिदै विभिन्न राजनैतिक दलका शिर्ष नेताहरुसंग छलफल गर्न सुझाव दिएका थिए ।