हामी सबैकाे संसारन्यूज

११ चैत, सिन्धुली। जिल्ला पशुसेवा कार्यालयले रानीचुरी बाख्रा सोत केन्द्रलाई रु नौ लाख आठ हजार सहयोग गरेको छ ।

पशुसेवा कार्यालयमा भएको एक कार्यक्रमकाबीच प्रमुख जिल्ला अधिकारी ताराबहादुर कार्कीले रानीचुरी बाख्रासोत केन्द्र समितिका अध्यक्ष रत्नबहादुर थापालाई सो रकमको चेक हस्तान्तरण गर्नुभयो ।

कार्यक्रममा साविकको रानीचुरी गाविसका १, २, ३ वडामा व्यावसायिक रुपमा बाख्रापालन गरी किसानलाई आत्मनिर्भर बनाउन सो सहयोग उपलब्ध गराएको कार्यालय प्रमुख रामकुमार कार्कीले बताउनुभयो । समूहमा आवद्ध सदस्यले खोर निर्माण, औषधि व्यवस्थापन, उन्नत जातको बोका तथा न्यूनतम १० वटा माउ बाख्रा पाल्नुपर्ने उहाँले बताउनुभयो ।