हामी सबैकाे संसारन्यूज

अमेरिका । प्रवासी नेपाली एकता मंच अमेरिका र द गुरुङ (तमु ) सोसाइटी अमेरिकाको संयुक्त आयोजनामा न्युयोर्कको ज्याक्सन हाइटस्मा रक्तदान कार्यक्रम सम्पन भएको छ ।

जुलाई २३ का दिन सम्पन्न रक्तदानमा कुल ५१ पाउण्ड रगत संकलन भएको बताइएको छ ।

उक्त कार्यक्रममा प्रवासी नेपाली एकता मंचका तर्फबाट अध्यक्ष टेक गुरुङ, वरिष्ठ उपाध्यक्ष यम लामा, महासचिव शंकर पन्त सहितका नेताहरुको उपस्थिति रहेको थियो भने संस्थाका राज्य कमिटी अध्यक्ष सौमेंद्र रञ्जित, सचिव देवकी पन्त, कोषाध्यक्ष उमा तामाङ्गको विशेष सक्रियता थियो ।

द गुरुङ (तमु) सोसाइटी अमेरिकाका अध्यक्ष तोरण गुरुङ सहितका पदाधिकारीहरुको सक्रियता रहेको थियो ।

रक्तदातादेखि आगन्तुकहरुलाइ फलफूल तथा खाना खुवाउने कामले कार्यक्रमको रौनक नै थपेको थियो ।

सो कार्यक्रममा जनसम्पर्क समिति अमेरिकाका सभापति आनन्द बिष्ट, आदिवासी जनजाति महासंघ अमेरिकाका अध्यक्ष राजकुमार बिष्टदेखि अन्य थुप्रै विशिष्टहरु रक्तानदेखि कार्यक्रममा रक्तदाताहरुको हौसला बढाउन सक्रिय रहेको पाइएको थियो ।

रगत अभावको यस समयमा गर्मिको अलावा पनि रक्तदान कार्यक्रम सफल बनाउन संस्थाका लागि उलेख्य उपलव्धि भएको भन्दै आयोजकहरुलाइ रगत संकलक संस्थाले धन्यवाद दिएको थियो । साथै रक्तदाताहरुलाइ आयोजक सँस्थाका पदाधिकारीहरुले सम्मान पत्र बितरण गरेका थिए ।