Sansar News
काठमाडौं । सानिमा बैंकका ग्राहकहरुले नमस्ते पे वालेटबाट कारोबार गर्न सक्ने भएका छन् । बैंकका ग्राहकहरुले नमस्ते पे वालेटबाट बैंकको मोबाइल बैंकिङ लगइन गरी सजिलै रकम रकमान्तर (चेकआउट) गर्न सक्ने भएका हुन्।
बैंकले ग्राहकहरुलाई मोबाइल बैंकिङ एप मार्फत् फन्ड लोड गर्ने प्रणालीको पनि व्यवस्था चाँडै नै उपलब्ध गराउने जनाएको छ । बैंकका अनुसार बैंकको मोबाइल बैंकिङ एपबाट इसेवा, खल्ती र नमस्ते पे वालेट गरी तीनवटा वालेटमा सेवा उपलब्ध गराइरहेको छ।
यसैगरी बैंकले डिजिटल बैंकिङको अधिकतम प्रयोग र नगदरहित कारोबारलाई प्रोत्साहन गर्न यस्ता कार्यहरु गर्दै जाने जनाएको छ । बैंकले आफ्ना देशभर १२७ कार्यालयहरु र १२० वटा एटिएम संजालहरु संचालनमा रहेको जनाएको छ ।
वि.सं.२०७९ साउन १३ शुक्रवार १५:५४ मा प्रकाशित
