हामी सबैकाे संसारन्यूज

द हेग । युरोपियन युनियन (ईयू) को औषधि नियमन निकायले बुधबार आगामी शरद ऋतु (सेप्टेम्बर)सम्ममा फाइजर÷बायोएनटेकको कोभिडविरूद्धको खोपलाई ओमिक्रोनका दुई तीव्र गतिमा फैलिरहेको उपजातीका लागि अनुकूलित गर्ने लक्ष्य राखेको छ ।

पहिलेका प्रकारका कोभिड भाइरसभन्दा हल्का तर बढी सङ्क्रामक, बीए.४ र बीए.५ प्रजातीले युरोप र संयुक्त राज्य अमेरिकामा यस रोगका नयाँ सङ्क्रमणहरूलाई तीब्र बनाएको थियो र यो समस्या अभैm पनि निराकरण भइसकेको छैन ।

युरोपेली औषधि नियमन निकाय (ईएमए) ले फाइजरको खोपको अनुकूलित संस्करणको समीक्षा सोमबारदेखि सुरु गरेको छ, जसले ती दुई प्रकारका सङ्क्रमणहरूलाई लक्षित गरेको छ, जुन पहिलेका भेरियन्टभन्दा बढी सङ्क्रामक र प्रतिरक्षात्मक छन् ।

फाइजर र मोडेर्ना दुवैले जुलाई २२ मा ती खोपको स्वीकृतिका लागि छुट्टाछुट्टै निवेदन दिएका थिए ।

युरोपका २७ राष्ट्रसम्मिलित युरोपेली सङ्घका लागि औषधिको रेखदेख गर्ने ईएमएले यसअघि ओमिक्रोन अनुकूलित पहिलो खोपलाई सेप्टेम्बरसम्ममा स्वीकृति दिन सकिने यसअघि नै बताएको थियो । (रासस÷एएफपी)