हामी सबैकाे संसारन्यूज

काठमाडौं । अभिनेता अनुपबिक्रम शाही नेपाली कांग्रेसमा प्रवेश गरेका छन् ।

शाहीलाई शुक्रबार गृहमन्त्री तथा नेपाली कांग्रेसका नेता बालकृष्ण खाँडले पार्टीमा स्वागत गरेका हुन् ।

गृहमन्त्री खाँड निवास पुल्चोकमा आयोजित कार्यक्रममा काग्रेसका सहमहामन्त्री तथा तरूण दलका पूर्वअध्यक्ष महेन्द्र यादव, केन्द्रीय सदस्य तथा नेपाल तरूण दलका पूर्व अध्यक्षद्वय उदय समशेर जबरा, जीतजंग बस्नेतसँगै अध्यक्ष विद्धान गुरुङ लगायतको उपस्थितिमा अनुपले टिका खादासँगै पार्टी प्रवेश गरेका छन् ।

‘म पहिलेदेखि नै लोकतन्त्रप्रति आस्थावान हुँ, तर राजनीतिक रूपमा दलगत सदस्यता लिएको थिइनँ, अनुपले भने, देश अफ्ठ्यारोमा पर्दा यसको रक्षामा लाग्दै लड्दै आएको पार्टी नै देश र जनताको पहिलो रोजाइ हुन्छ त्यसैको निरन्तरता मेरो कांग्रेस प्रवेश हो ।’ पार्टी प्रवेश गरेपछि शाहीले भने ।

अभिनेता शाहले सौर्य, हँसिया, ठमेल डटकम,हाउ फन्नी, द्रब्य, वीर विक्रम लगायतका दुईदर्जन बढी फिल्ममा अभिनय गरेका छन् ।