Sansar News
शिवजी मण्डेल विन्दास,बझाङ
दुनियाँले गरोस् तिमीलाई सलाम यहीँ त चाहन्छु ।
सबैभन्दा अघि पुकारनु तिम्रो नाम यहीँ त चाहन्छु ।
तिमीसँग त्यस्तो के रहेछ कुन्नि,नजिकै सरौ भयो ,
सपनामा पनि तिमी सीता म राम यहीँ त चाहन्छु ।
जनताको निम्ति प्रतिनिधित्व गर्ने नेता ज्युले पनि ,
भ्रष्टाचार होइन गरुन् असल काम यहीँ त चाहन्छु ।
दुई चार डलरको आशामा ठुलेहरूले जेजे गरेपनि ,
हुँदै नहोस् देशमा विदेशीको गोदाम यहीँ त चाहन्छु ।
हाम्रो प्रेम सम्बन्ध यस्तो बनोस् दुनियाँ चकित होस् ,
तिमी चिट्ठी भएन म हुनुपरोस् खाम यहीँ त चाहन्छु ।
वि.सं.२०७९ साउन २८ शनिवार ०९:१४ मा प्रकाशित
