Sansar News
काठमाडौं । नेपालमा पछिल्लो २४ घण्टामा २९९ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ४ हजार ३३७ नमुना परीक्षणमा २९९ जना संक्रमित थपिएका हुन् । आज थपिएका २९९ जनासँगै नेपालमा हालसम्म कोरोना संक्रमित हुनेको संख्या ९ लाख ९५ हजार ३९ पुगेको छ ।
त्यसैगरी आज निको भएका ५७७ जनासँगै नेपालमा हालसम्म ९ लाख ७८ हजार ४२२ जना कोरोनाबाट निको भएका छन् ।
त्यस्तै आज २ जनाको मृत्यु भएको छ । आज थपिएका २ जनासँगै नेपालमा कोरोनाका कारण हालसम्म ११ हजार ९९२ जनाले ज्यान गुमाएका छन् ।
त्यसैगरी नेपालमा हाल ४ हजार ६२५ जना कोरोनाका सक्रिय संक्रमित रहेका छन् । ती मध्ये होम आइसोलेशनमा ४ हजार ४१६, संस्थागत आइसोलेशनमा २०९, आइसीयुमा ५३ जना र भेन्टिलेटरमा ४ जनाको उपचार भइरहेको पनि मन्त्रालयद्धारा जारी विवरणमा उल्लेख छ ।
वि.सं.२०७९ भदौ ४ शनिवार १७:३८ मा प्रकाशित
