हामी सबैकाे संसारन्यूज

काठमाडौं । मेगा क्यापिटलले हरितालिका तिजको उपलक्ष्यमा छुटसहित पोर्टफोलियो व्यवस्थापन सेवा प्रदान गर्ने भएको छ । कम्पनीले यसबाट नारीहरुले आत्मनिर्भरताका लागि शेयर बजारमा लगानी गरी आफ्नो भविष्य सुनिश्चित गर्न टेवा पुर्याउने विश्वास लिएको छ ।

क्यापिलका अनुसार आफूले पर्याप्त समय दिन असमर्थ हुँदा वा शेयर बजार सम्बन्धी जानकारी तथा अनुभव नभएता पनि विशेषज्ञहरुबाट व्यवसायिक तवरले निःशुल्क लगानी व्यवस्थापन सेवा प्राप्त गर्न सक्नेछन् ।

उक्त सेवा न्युनतम ३ लाख लगानीबाट आरम्भ गर्न सकिने तथा अपेक्षित प्रतिफल २० देखि २२ प्रतिशत रहने क्यापिटलले जनाएको छ । क्यापिटलले विशेषज्ञहरुबाट लगानी व्यवस्थापन सेवा प्रदान गरिने भएकोले यस सेवा सुरक्षित रहने सम्भावना उच्च रहेको जनाएको छ ।

उक्त सेवा २०७९ भाद्र १२ गते देखी असोज १२ सम्म लागू हुने कम्पनीले जनाएको छ । यस सेवामा एएमसी पूर्ण रुपमा निशुल्क हुने कम्पनीले जनाएको छ । सो सेवा आफुसँग भएको शेयर हस्तान्तरण गरेर पनि प्रारम्भ गर्न सकिनेछ पीएमएसको सम्पूर्ण जानकारी अनलाइन मार्फत वा प्रत्यक्ष भेटघाटबाट गराईने कम्पनीले जनाएको छ ।

इच्छिुक नारीहरुले उक्त सेवा सम्बन्धी विस्तृत विवरणका लागि सिधा मेगा क्यापिटल मार्केटस लिमिटेडमा सम्पर्क गर्न सक्नेछन् ।