हामी सबैकाे संसारन्यूज

काठमाडौं । नेपाली कांग्रेसका महामन्त्री गगन कुमार थापा काठमाडौं क्षेत्र नम्बर ४ बाट सर्वसम्मत उम्मेदवारमा सिफारिस भएका छन् ।

आगमी मंसिर ४ गते हुने प्रतिनिधिसभा सदस्यको उम्मेदवारका लागि थापालाई शुक्रबार बसेको क्षेत्रिय कार्यसमितिको बैठकले सर्वसम्मत उम्मेदवारमा सिफारिस गरेको हो ।

त्यसैगरी सोहि बैठकले समानुपातिकमा राजु श्रेष्ठ , कर्मा छिरिङ, ध्रुव थापा, सीता दाहाल, रोहित पौडेल, राजाराम कपाली, पुरुषोत्तम दाहालको नाम सिफारिस गरेको छ ।

२०७४ को निर्वाचनमा क्षेत्र नंम्बर ४ बाट निर्वाचित भएर स्वास्थ्यमन्त्री समेत बनिसकेका थापाको नाम यसअघि कास्कीबाट पनि सिफारिसमा परेको थियो । तर, थापाले आफुले काठमाडौं ४ बाटै निर्वाचन लड्ने तयारी गरिरहेको बताएका थिए ।