हामी सबैकाे संसारन्यूज

काठमाडौं । निलम्बित प्रधान न्यायाधिश चोलेन्द्र शमसेर जबराले डिआइजी रन्जन कोइरालाको मुद्दामा आफुले गरेको फैसलाका कारण महाभियोग लागे आफ्नो भन्नु केही नरहेको बताएका छन् ।

संसदको महाभियोग सिफारिस समितिले आइतबार डिआइजी कोइरालाको मुद्दामा राणाले गरेको फैसलाका बारेमा सोधिएको प्रश्नमा उनले आफ्दे कोइरालाको परिवारको बयान सुनेर विवेक प्रयोग गरेरै फैसला गरेको बताउँदै सो मुद्दालाई लिएर महाभियोग लागेमा आफ्नो भन्ने केही नरहेको बताएका हुन् ।

‘मैले रञ्जनको परिवारको बयान सुनेपछि त्यसबाट प्रभावित भएर कैद घटाउने निर्णय गरेको हो । मैले विवेक प्रयोग गरें । यदि त्यही मुद्दाका कारणले महाअभियोग लाग्ने हो भने मेरो भन्नु केही छैन,’ राणाको भनाई उद्धृत गर्दै समितिका सदस्य तथा नेपाली कांग्रेसका नेता मिन बहादुर विश्वकर्माले बताए ।

समितिका सदस्यहरुले राणासँग आज पनि बयानका क्रममा एकघण्टामा पाँचवटा प्रश्न सोधेका थिए ।

भदौ १५ गतेदेखि बयान लिन थालेको समितिले बयानका लागि ४३ प्रश्न तयार गरेको छ । भदौ १५ र १६ गते समितिले राणासँग ७ वटा प्रश्न गरेको थियो आइतबार तेस्रो दिन पाँचवटा प्रश्न गरेको हो । समितिको अर्को बैठक भदौ २५ गते बस्ने बताइएको छ ।

यो पनि…

महाभियोग समितिमा राणाको दोस्रो दिन : उल्टै समितिलाई नै प्रश्नै प्रश्न