हामी सबैकाे संसारन्यूज

काठमाडौं । कुमारी क्यापिटल लिमिटेडले संस्थागत परामर्श सेवा अन्तर्गत ‘वे टु लिस्टिङ’ नामक नयाँ सेवा सञ्चालनमा ल्याएको छ । यो सेवा अन्तर्गत नेपालको प्रचलित कानुन बमोजिम स्थापना भएका जुनसुकै संगठित संस्थाहरुलाई धितोपत्रको प्राथमिक सार्वजनिक निष्कासनपूर्व गर्नुपर्ने वित्तीय तथा संगठनात्मक पुनसंरचना लगायतका कार्यमा आवश्यक सम्पुर्ण वित्तीय तथा कानुनी परामर्श सेवा उपलब्ध गराउने जनाइएको छ ।

साथै, क्यापिटलले धितोपत्रको प्राथमिक सार्वजनिक निष्कासन गर्ने, निष्कासित धितोपत्र नेपाल धितोपत्र विनिमय बजारमा सूचिकरण गराउने लगायतका सम्पुर्ण सेवाहरु प्रदान गर्नेछ । क्यापिटलले संस्थागत परामर्श सेवा अन्तर्गत व्यवसायिक तथा वित्तीय योजनाको तयारी गर्ने, वित्तीय तथा संगठनात्मक पुनर्संरचना गर्ने, वित्तीय श्रोत जुटाउन सहयोग गर्ने, कम्पनी मूल्यांकन तथा परियोजना मूल्यांकन गर्ने लगायतका काम गर्नेछ ।