हामी सबैकाे संसारन्यूज

काठमाडाैं । कारोबारको तेस्रो दिन मंगलबार शेयर बजार मापक परिसूचक नेप्से हरियो देखिएको छ । मंगलबार बजार २१.३० अंकले बढेर १९३४.०४ बिन्दुमा उक्लिएको छ ।

आज बजार बढेसँगै ठूला कम्पनीको सूचक मापन गर्ने सेन्सेटिभ इन्डेक्स पनि ३.८३ अंकले बढेर ३७६.१७ बिन्दु कायम भएको छ ।

यस्तै, यस दिन कारोबारमा आएका २३१ वटा कम्पनीको २० हजारपटकको कारोबारमा ९२ करोड २५ लाख ७४ हजार रुपैयाँबराबरको शेयर ३१ लाख ४६ हजार कित्ता किनबेच भएको छ ।

मंगलबार २३१ कम्पनीको ३१ लाख ४६ हजारभन्दा बढी कित्ता सेयर कारोबार भएको छ । ५ करोड ९४ लाख रुपैयाँभन्दा बढीसहित कारोबार रकममा नबिल बैंक अग्रस्थानमा रहेको छ । यसैगरी, दोस्रो र तेस्रो स्थानमा क्रमशः रिडी पावर र हिमालयन एभरेष्ट इन्स्याेरेन्स परेका छन् ।

यस दिन १७२ वटा कम्पनीका लगानीकर्ताले कमाएका छन् भने १४ वटा कम्पनीका लगानीकर्ताले गुमाएका छन् । त्यस्तै, बोटलर्स नेपालको शेयरमूल्य १० प्रतिशतले वृद्धि भएर प्रतिकित्ता २१३६ रुपैयाँ पुगेको छ ।

साथै, ८.५ प्रतिशत नेपाल बैंकको शेयरमूल्य ९ प्रतिशतभन्दा बढीले घटेको छ । कम्पनीको शेयरमूल्य ९७ प्रतिशतले घटेर ९२२ रुपैयाँ कायम भएको छ । यस्तै, आज सर्वाधिक शेयर कारोबार भने नबिल बैंकको हुन गयो । कम्पनीको शेयरमूल्य प्रतिकित्ता ७७० कायम भएको छ ।