Sansar News
काठमाडौं । नेपालका लागि टीभीएसको आधिकारिक वितरक कम्पनी जगदम्बा मोटर्सले विजया दशमीको पहिलो दिन अर्थात् घटस्थापनाको पावन अवसरमा थप तीन नयाँ शोरुमको उद्घाटन गरेको छ ।
जगदम्भा मोटर्सले परासीको बर्दाघाटमा फुटप्रिन्ट अटो हब प्रालि, काठमाडौंको कपनमा यु आर मोटर्स एन्टरप्राइज प्रालि र दाङको घोराहीमा नेबेल टे«डिङ्ग गरी तीन शोरुम उद्घाटन गरेको हो ।
जगदम्बा मोटर्स टीभीएसका दूई पांग्रे सवारी साधनका लागि एक मात्र आधिकारिक वितरक हो । कम्पनीका नेपालभर १४० भन्दा बढी डिलरहरु सञ्चालनमा छन् ।
आफ्नो उत्पादन गुणस्तरीय भएको, बिक्रीपश्चात सहज सेवा दिने गरेको र देशभर जगेडा पार्टपूर्जाहरूको सहज उपलब्धता भएको कारण ग्राहकहरुको आफ्नो कम्पनी स्थापित रहेको जगदम्बा मोटर्सको दाबी छ । कम्पनीले आगामी दिनमा अझ नयाँ–नयाँ सेवाहरु थप्ने जनाएको छ ।
वि.सं.२०७९ असोज १३ बिहीवार ०७:२३ मा प्रकाशित
