Sansar News
१८ चैत, काठमाडौँ। नेपाल–चीन संयुक्त लगानीमा सञ्चालित हिमालय एयरलाइन्सले सेवा विस्तारका क्रममा आजदेखि तेस्रो नयाँ विमान ‘ए’ ३२० थपेको छ ।
व्यावसायिक उडान थालेको पहिलो वर्षमा नै उक्त कम्पनीले एकसय ५८ सिट क्षमताको उक्त विमान जर्मनीको ह्याम्बर्गबाट ल्याएको हो ।
हिमालय एयरलायन्सले आज एक विज्ञप्ति निकालेर मुलुकको पर्यटन प्रवद्र्धनमा टेवा पु¥याउन यसै महिनादेखि दमाम, दुवई, हङकङ, दिल्ली, चेन्नाई, बैङ्कक, बेइजिङमा उडान गर्ने जनाएको छ । सो एअरलाइन्सले हाल कतारको दोहा, मलेसियाको क्वालालम्पुर र म्यान्माको याङगुनमा नियमित सिधा उडान गरिरहेको छ ।
वि.सं.२०७३ चैत १८ शुक्रवार १२:०७ मा प्रकाशित
