Sansar News
नेपाली सांगितिक जगतमा एकदमै चर्चित यूवा गायक प्रमोद खरेलको नयाँ गीतको म्यूजिक भिडियो यतिखेर सामाजिक सञ्जालमा भाइरल बनेको छ ।
यूटुवमा अपलोड गरेको दुई दिनमै १ लाख ७० हजारभन्दा बढी दर्शकले भिडियो हेरी सकेका छन । यो गीतले खरेललाई पुनः एक पटक चर्चाको शिखरमा पुर्याएको छ । डीपी खनालको शब्द र राजनराज शिवाकोटीको संगीतमा तयार भएको लोक शैलीको यो गीतले नेपाली स्रोताहरुको मन जिति सकेको देखिन्छ ।
अपहरण शैलीमा प्रियंका कार्कीलाई देखाइएको यो म्यूजिक भिडियोमा प्रमोद र प्रियंका मुख्य पात्रका रुपमा प्रस्तुत भएका छन भने अर्जुन तिवारीको छायॉंकन, सहास शाक्य को संगीत समायोजन, सम्पादन निशान घिमिरे र निर्देशन सुब्रत राज अाचार्य को रहेको छ साथै यस गितको निर्मात्री दीपा सिटौला रहेकी छिन ।
वि.सं.२०७३ चैत २१ सोमवार ०९:४६ मा प्रकाशित
