back

लघुबीमाको क्षेत्र फराकिलो बन्दै, शेयर बजारमा पनि लगानी गर्न पाउने

वि.सं.२०७९ पुस ४ सोमवार

234 

shares
RBB AD
NTC AD
Rastriya Swastha Sikshya Suchana Tatha Sanchar Kendra

काठमाडौं । लघुबीमा कम्पनीले शेयर बजारमा लगानी गर्न पाउने भएका छन् । नेपाल बीमा प्राधिकरणले लघुजीवन तथा निर्जीवन बीमकको लगानी निर्देशिका जारी गर्दै लघुबीमा सम्बन्धी सीमा निर्धारण गरेको हो । प्राधिकरणले निर्धारण गरेको क्षेत्रमा शेयर बजारसँगै लघुबीमा कम्पनीहरुले अन्य आठ वटा क्षेत्रमा लगानी गर्न पाउने भएका हुन् ।

निर्देशिकामा लघुबीमा कम्पनीहरुलाई विभिन्न क्षेत्रमा लगानी गर्न शर्तसहित सीमा समेत तोकिएको छ । लघुबीमा व्यवसाय सञ्चालन गर्ने जीवन र निर्जीवन बीमा कम्पनीले विभिन्न क्षेत्रमा कम्तीमा पाँच प्रतिशतभन्दा बढी लगानी गर्न पाउने भएका हुन् ।

धितोपत्र विनिमय बजारमा सूचीकृत कम्पनीको बन्ड, डिवेन्चर र ऋणपत्रमा कूल लगानीको बढीमा २० प्रतिशतसम्म लगानी गर्न पाइने सीमा निर्देशिकामा गरिएको छ । कम्पनीहरुले ख वर्गको बैंक तथा वित्तीय संस्थाको मुद्दति र शेयर बजारमा बढीमा १० प्रतिशतसम्म मात्रै लगानी गर्न पाउनेछन् ।

ग वर्गको बैंक तथा वित्तीय संस्थाको मुद्दति र नागरिक लगानी कोष तथा म्युचुअल फण्डका लगानी योजनाहरुमा भने कम्पनीहरुले बढीमा ५ प्रतिशतसम्म लगानी गर्न पाउने सीमाको निर्धारण निर्देशिकामा गरिएको छ । तर, लघुबीमा कम्पनीहरुले अन्य सहायक कम्पनीमा लगानी गर्नुअघि भने प्राधिकरणको स्वीकृति लिनु पर्ने हुन्छ ।

लघुबीमा कम्पनीहरुले लगानीको सीमालाई प्रत्येक दिन कायम गर्नुपर्ने हुन्छ । कुनै कारणले तोकिएको सीमाभन्दा कम वा बढी लगानी भएमा तीस कार्यदिनभित्र त्यस्तो लगानीलाई सीमाभित्र ल्याई सक्नु पर्ने हुन्छ । तर, मुद्दति निक्षेप वा डिबेन्चरमा गरिएको लगानी परिपक्व नभएसम्म सो रकम बराबरको लगानी तोकिएको निर्देशन बमोजिम भएको मानिने समेत प्राधिकरणले खुलाएको छ ।

लघुबीमा कम्पनीहरुले बैंक तथा वित्तीय संस्थामा लगानी गर्दा निश्चित शर्त पालना गर्नुपनर्ने हुन्छ । कम्पनीहरुले बैंक तथा वित्तीय संस्थामा लगानी गर्दा कम्तीमा तीन वटा शर्त पालना गर्नुपर्ने छ । राष्ट्र बैंकले तोकेको पुँजीकोष कायम गरेको, तोकेको सीमाभन्दा बढी निष्कृय कर्जा नरहेको र शीघ्र सुधारात्मक कारवाहीमा नपरेको हुनुपर्ने छ ।

वि.सं.२०७९ पुस ४ सोमवार १२:२५ मा प्रकाशित

NLIC AD
NABIL bank AD
ADBL AD
आज नेप्से परिसूचकमा ७५ अङ्कको वृद्धि

आज नेप्से परिसूचकमा ७५ अङ्कको वृद्धि

काठमाडौँ । नेपाल स्टक एक्सचेञ्ज (नेप्से) परिसूचकमा उच्च अङ्कको वृद्धि...

सामान्य अङ्कले बढ्यो नेप्से, १३ अर्ब बढीको कारोबार

सामान्य अङ्कले बढ्यो नेप्से, १३ अर्ब बढीको कारोबार

काठमाडौँ । नेपाल स्टक एक्सचेञ्ज (नेप्से) परिसूचकमा आज सामान्य अङ्कको...

साताको पहिलो दिन ६१ अङ्कले बढ्यो नेप्से

साताको पहिलो दिन ६१ अङ्कले बढ्यो नेप्से

काठमाडौँ । यो साता कारोबारको पहिलो दिन आज नेपाल स्टक...

सूर्योदय वोमी लघुवित्तको एफपीओमा आजदेखि आवेदन दिन सकिने

सूर्योदय वोमी लघुवित्तको एफपीओमा आजदेखि आवेदन दिन सकिने

काठमाडौँ । सूर्योदय वोमी लघुवित्त वित्तीय संस्था लिमिटेडले आजदेखि एफपीओ...

शेयर बजारमा उछाल, १८ अर्ब बढीको कारोबार

शेयर बजारमा उछाल, १८ अर्ब बढीको कारोबार

काठमाडौँ । धितोपत्र बजारमा शेयर कारोबार मापक नेप्से परिसूचक आज...

नेप्से परिसूचक ५४ अङ्कले बढ्यो

नेप्से परिसूचक ५४ अङ्कले बढ्यो

काठमाडौँ । नेपाल स्टक एक्सचेन्ज (नेप्से) परिसूचकको उकालो यात्रा कायमै...