Sansar News
काठमाडौं । सत्तारुढ गठबन्धनका नेता नेकपा माओवादी केन्द्रका अध्यक्ष पुष्पकमल दाहाल प्रचण्ड बालुवाटार पुगेका छन् । नेपाली कांग्रेसका नेता तथा कामचलाउ सरकारका प्रधानमन्त्री शेरबहादुर देउवासँग निर्णायक छलफल गर्न भन्दै प्रचण्ड बालुवाटार पुगेका हुन् । छलफलमा प्रचण्ड र देउवा एक्ला एक्लै बस्ने बताईएको छ ।
शनिबार गठबन्धन दलहरुबिच नयाँ सरकार गठनका सम्बन्धमा छलफल भएको थियो । छलफलमा नेपाली काँग्रेस, नेकपा माओवादी केन्द्र र एकिकृत समाजवादीले क्रमशः २, २, र १ वर्ष सरकारको नेतृत्व गर्ने गरि सहमती भएको थियो ।
नयाँ सरकार निर्माणको लागि राष्ट्रपतीले आइतबार पाँच बजेसम्मको समय दिएकिछन् । आइतबार पाँचबजेसम्म नयाँ सरकार गठनको लागि गठबन्धन दलहरुबीच सहमती नभए गठबन्धन नै धरापमा पर्ने देखिन्छ । गठबन्धन जोगाउने हो भने आइतबार दिनभरिमा सहमती गरेर राष्ट्रपती समक्ष दावी पेस गर्नु पर्नेछ ।
सम्बन्धित समाचार
नयाँ सरकार गठनका लागि दिइएको समयसीमा आज सकिदैँ, गठबन्धनमा जुटला त सहमति ?
वि.सं.२०७९ पुस १० आइतवार ११:१८ मा प्रकाशित
