Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एकिकृत समाजवादीका अध्यक्ष माधवकुमार नेपालबीच भेटवार्ता भएको छ ।
बुधबार दिउँसो भएको उक्त भेटमा प्रधानमन्त्री प्रचण्डले अध्यक्ष नेपालसँग विश्वासको मत मागेको प्रधानमन्त्रीका स्वकीय सचिव रमेश मल्लले जानकारी दिएका छन् ।
प्रधानमन्त्रीको उक्त आग्रहपछि अध्यक्ष नेपालले उक्त यस विषयमा पार्टीभित्र छलफल गरेर उचित निर्णय लिने बताएका थिए ।
‘प्रचण्डजीले विश्वासको मत दिन आग्रह गर्नुभएको छ । मैले यसबारे पार्टीमा छलफल गर्छु भनेको छु ।’ प्रधानमन्त्रीलाई भेटेपछि अध्यक्ष नेपालले भने ।
नेकपा एमालेसहित ७ दलका १६६ सांसदको समर्थनमा प्रधानमन्त्री बनेका प्रचण्डले आगामी पुस २६ गते विश्वासको मत लिँदै छन् ।
वि.सं.२०७९ पुस २० बुधवार १५:५८ मा प्रकाशित
