हामी सबैकाे संसारन्यूज

काठमाडाैं । चीनमा कोरोना भाइरसले भयानक रूप लिएको छ । यहाँको जनसङ्ख्याको ठूलो हिस्सा काेराेनाबाट सङ्क्रमित भएको छ । बताइएअनुसार चीनमा ८० प्रतिशत मानिस काेराेना संक्रमित भएका छन् । वैज्ञानिकहरूले संक्रमित थप बढ्ने अनुमान पनि गरेका छन् ।

चीनमा जनवरी २१ मा सुरु भएको नयाँ वर्षको बिदामा ठूलो संख्यामा मानिसहरु यात्रा गर्दैछन् । जसले गर्दा केही क्षेत्रमा थप संक्रमण बढ्न सक्ने बताइएकाे छ ।

ग्रामीण क्षेत्रको अवस्था खराब हुन सक्छ

चिनियाँ वैज्ञानिक वु जुनयोले काेराेना संक्रमणले ग्रामीण क्षेत्रको अवस्था खराब हुनसक्ने अनुमान गरेका छन् । नयाँ वर्षको बेला चीनका सहरका मानिसहरू आफन्तलाई भेट्न ग्रामीण इलाकामा जान्छन्। यस्तो अवस्थामा कोरोना रोकथामका लागि थोरै व्यवस्था भएकाले ग्रामीण क्षेत्रमा संक्रमण दर उच्च हुनसक्छ । अर्कोतर्फ, अर्का एक अधिकारीले चीनमा गम्भीर कोरोना संक्रमितको संख्या उच्च स्तर नाघेको बताएका छन् ।

६० हजार मानिसको मृत्यु भएको छ

चीनको आधिकारिक तथ्याङ्कअनुसार जनवरी १२ सम्म यहाँ ६० हजारभन्दा बढी मानिसको मृत्यु भइसकेको छ । हालै चीनले यो तथ्यांक विश्व स्वास्थ्य संगठनलाई पठाएकाे छ । चीनले कोरोनाबाट मृत्यु हुनेको संख्या बढ्नुको कारण शून्य कोभिड नीति फिर्तालाई लिएकाे छ । एजेन्सीबाट