Sansar News
लेगोस, नाइजेरिया । गैरआवासीय नेपाली सङ्घ नाइजेरिया, नेपाली रक्तदाता सङ्घ नाइजेरिया, केरला समाज नाइजेरिया र रोटरी क्लब अब लेगोस पामग्रुपको संयुक्त आयोजनामा लेगोसको इलेपेजुको हिन्दू मन्दिरमा रक्तदान कार्यक्रम सम्पन्न भएको छ ।
एनआरएनए नाइजेरियाका अध्यक्ष बिरेन्द्र गुप्ता, भिम थापा, खुश्बु अर्याल, बिदुर घिमिरे, राजु धिताल, बिशाल रानाभाट, रमेश गुप्ता, सुरज गिरी, शंकर वर्मा, प्रशान्त चन्द लगायत ५९ जनाले रक्तदान गरेका थिए ।
उक्त कार्यक्रमको प्राविधिक संयोजन लेगोस राज्य सरकारको रक्त संचार केन्द्रले गरेको थियो ।
रक्तदाताहरुलाई गैरआवासीय नेपाली सङ्घका पूर्वकोषाध्यक्ष हिक्मत थापा लगायत अतिथिहरुले प्रमाणपत्र बितरण गरेका थिए । सङ्घको सहभागिताको लेगोसमा सम्पन्न यो छैठो रक्तदान कार्यक्रम हो ।
वि.सं.२०७९ माघ ९ सोमवार १७:१७ मा प्रकाशित
