हामी सबैकाे संसारन्यूज

काठमाडौं । केहीदिन अघिमात्र धरौटीमा छुटेका सन्दीप लामिछानेलाई थुनामै राख्न माग गर्दै सर्वोच्च अदालतमा निवेदन परेको छ ।

उच्च अदालत पाटनले लामिछानेलाई गत पुस २८ गते २० लाख धरौटीमा रिहा गर्न दिएको आदेशविरुद्ध महान्यायाधिवक्ता कार्यालयले लामिछानेलाई थुनामै राख्न माग गर्दै सर्वोच्च अदालतमा निवेदन दिएको हो ।

उक्त निवेदनमा पाटन उच्च अदालतको आदेश वदर गर्न तथा लामिछानेलाई थुनामै राखेर बलात्कार मुद्दा अगाडि बढाउनुपर्ने माग गरिएको महान्यायाधिवक्ता कार्यालयका प्रवक्ता सञ्जिवराज रेग्मीले बताएका छन् ।

काठमाडौंको गौशालास्थित एक होटलमा एक नाबालिकालाई बलात्कार गरेको अभियोगमा पक्राउ परेका लामिछानेलाई जिल्ला अदालत काठमाडौंले थुनछेक बहसपछि थुनामा राख्न दिएको आदेशविरुद्ध लामिछानले उच्च अदालत पाटनमा निवेदन दिएका थिए । उक्त निवेदनमा पाटन उच्च अदालतले लामिछानेलाई विभिन्न शर्तसहित पुस २८ गते २० लाख धरौटीमा रिहा गर्न आदेश दिएको थियो ।