हामी सबैकाे संसारन्यूज

काठमाडौं । राष्ट्रिय स्वतन्त्र पार्टीका सभापति रवि लामिछानेले ठूला मिडियाका मालिकहरुलाई चितवन २ मा आफुसँग निर्वाचन लड्न आउन चुनौती दिएका छन् ।

सभापति लामिछानेले आज पार्टी कार्यालयमा आयोजित पत्रकार सम्मेलनमा नागरिकता र पासर्पोटका विषयमा आफुले चारवर्ष अगाडि भनेका कुरा घुमाइ फिराई ठूला मिडियाले आफुमाथि निरन्तर प्रहार गरेको बताए ।

‘मिडियाले त लेख्नु पथ्र्यो नि यसले यहाँ यसो गर्यो, यहाँ अस्पताल बनाउँदा खायो, केही त आउनुपर्ने थियो नि !,’ पत्रकार सम्मेलनमा लामिछानेले भने, ‘त्यति कुरा छ । जुन मैले चारवर्ष अगाडि सार्वजनिक रुपमा बताएको छु । प्रक्रियागत त्रुटि होला त्यसको लागि मैले सजाय भोगे । त्यसलाई लिएर पत्रपत्रिकाले जुन ढंगले टिका टिप्पणी गरे ।अनि म माथि निरन्तर प्रहार गरे त्यो प्रहार अदालतलाई प्रभावित पार्नुपर्ने थियो ।’

उनले आफुले गृहमन्त्री मलाई नै चाहिन्छ भनेर भनेको नभई आफ्नो पार्टीको भागमा रहेको मन्त्रालय आफुहरुलाई दिन माग गरेको बताए । उनले को गृहमन्त्री बन्ने भन्नेबारे पार्टीले निर्णय गर्छ भनेको थिए ।

‘देश चलाउने हो भने चितवन २ मा मसँग चुनाव लड्न आउनुस् । कैलास सिरोहिया आउने हो कि, रामेश्वर थापा आउने हो कि, अमित ढकाल आउने हो कि, शिव गाउँले आउने हो कि को–को आउने हो,’ ठूला मिडियालाई चुनौती दिँदै उनले भने, ‘चुनाव लड्न आउनुस् । देश तपाईले चलाउने होइन । मिडिया चलाउने हो । इथिक्स तपाईहरुलाई पनि लाग्छ । मलाई मात्र होइन ।’ उनले अदालतलाई प्रभावित बनाउन एउटै कुरा तीन–चार पटक निरन्तर लेखेको बताए ।