Sansar News
काठमाडौं । नेकपा (एकीकृत समाजवादी)का अध्यक्ष माधवकुमार नेपालले सरकार राष्ट्रिय सहमतिकै हुनुपर्ने बताएका छन् । प्रदेश स्तरीय पार्टी प्रशिक्षण कार्यक्रमका लागि धनुषा पुगेका अध्यक्ष नेपालले यस्तो बताएका हुन् ।
“अहिलेको सहमति राष्ट्रपतिको विषयमा भएको सहमति हो, सरकार पुनर्गठनबारे छलफल भएको छैन”, अध्यक्ष नेपालले भनेका छन्, “तर, सरकार एमालेसहितकै राष्ट्रिय सरकार बन्नुपर्छ ।”
अध्यक्ष नेपालले राष्ट्रपतिमा रामचन्द्र पौडेल विजयी हुने कुरा निश्चित भएको पनि बताएका छन् । उनले अहिलेको शक्ति समीकरणअनुसार कांग्रेसको राष्ट्रपति बन्ने कुरा उपयुक्त भएको बताए ।
अध्यक्ष नेपालले कांग्रेस र माओवादी केन्द्रलाई धोका दिएको भएको भए राष्ट्रपति बन्ने सम्भावना रहेको बताए । तर, राष्ट्रपतिकै निम्ति आफुँले मरिहत्ते नगरेको बताए ।
वि.सं.२०७९ फागुन १४ आइतवार १६:२१ मा प्रकाशित
