Sansar News
काठमाडौं । नेपाल राष्ट्र बैंकले २०८० सालका लागि बैंकहरुमा सार्वजनिक विदाको सूची सार्वजनिक गरेको छ ।
राष्ट्र बैंकले बिहीबार सार्वजनिक गरेको सूची अनुसार २०८० बैशाख देखि चैतसम्मका लागि बैंकहरुमा हुने विदाको सूची सार्वजनिक गरेको हो ।
जस अनुसार बैसाख १ गते र मजदु दिवसका दिन बैंैकहरु पूर्णरुपमा बन्द हुनेछन् भने दशै पर्वमा ६ दिन, तिहारमा ५ दिन गरी २०८० सालमा जम्मा ४५ दिन बैंकिङ सेवा पूर्ण तथा आंशिक रुपमा बन्द हुने सूचीमा उल्लेख छ ।
त्यस्तै २०८० बैशाख १ गतेदेखि २०८० कार्तिक १५ गतेसम्म तथा माघ १६ देखि २०८० चैत मसान्तसम्म बैंकिङ कारोबारको समय बिहान १० देखि अपरान्ह ४ बजेसम्म हुनेछ भने २०८० कात्तिक १६ देखि २०८० माघ १५ गतेसम्म बिहान १० देखि अपरान्ह ३ बजेसम्मका लागि कारोबारको समय तोकिएको छ ।
त्यस्तै प्रत्येक शुक्रबार बिहान १० देखि दिउँसो १ :३० सम्म कारोबारको समय हुने सूचीमा उल्लेखछ ।
वि.सं.२०७९ चैत ९ बिहीवार १५:०८ मा प्रकाशित
