back

रुपन्देही च्यालेन्जर्स र काठमाडौँ गोल्डेन्स विजयी

वि.सं.२०७३ चैत ३० बुधवार

258 

shares
RBB AD
NTC AD

३० चैत,धनगढी  । धनगढी प्रिमियर लिग(डीपिएल) क्रिकेट प्रतियोगिताअन्तर्गत आज भएका खेलमा रुपन्देही च्यालेन्जर्स र काठमाडौँ गोल्डेन्स विजयी भएका छन् ।

शक्ति गौचन नेतृत्वको रुपन्देही च्यालेन्जर्सले सिवाईसी अत्तरियालाई ४२ रनले पराजित गरेको छ । अर्को खेलमा काठमाडौँ गोल्डेन्सले विराटनगर किङ्गसलाई ८६ रनले पराजित गरेको छ ।

सेती अञ्चल प्रहरी मैदानमा भएको पहिलो खेलमा टस जितेर व्याटिङ गर्दै रुपन्देहीले छ विकेट गुमाएर १२९ रन बनायो । रुपन्देहीका लागि राजेश पुलामीले ३१ तथा प्रकाश केसीले २९ रन बनाए । पुलामी र केसीकाबीच छैटौँ विकेटका लागि ६१ रनको साझेदारी भएको थियो । सिवाईसी अत्तरियाले रुपन्देहीको खातामा २८ अतिरिक्त रन दिएको थियो ।

बलिङतर्फ अत्तरियाका विनोद लामा र प्रदीप ऐरीले समान दुई÷दुई विकेट लिए ।

राष्ट्रिय टिमका उपकप्तान ज्ञानेन्द्र मल्लले नेतृत्व गरेको अत्तरिया टिम एकसय ३० रनको लक्ष्य पछ्याउने क्रममा ८७ रनमै समेटियो । अत्तरियाका लागि मल्लले ३० रन, विनोद लामाले १८ र अविानश वोहोराले १४ रन बनाए ।

बलिङतर्फ रुपन्देहीका सहव आलमले चार विकेट लिए । उनले चार ओभरमा एक मेडन राख्दै ८ रन दिए । वेल्स क्याफे म्यान अफ द म्याच भएका आलमले रु १० हजार पुरस्कार पाए । यस्तै विक्रम सोवले दुई विकेट लिए ।

आज भएको दोस्रो खेलमा टस जितेर व्याटिङ गर्दै काठमाडौँ गोल्डेन्सले निर्धारित २० ओभरमा पाँच विकेट गुमाउँदै एक सय ७३ रन बनायो । काठमाडौँका लागि सुमित महर्जनले २७ बलमा अविजित ४४ रन, सोमपाल कामीले २० बलमा ३९, वसन्त रेग्मीले २४ बलमा ३०, सुभेन्दु पाण्डेले २५ बलमा २७ तथा नरेश बुढाऐरले १३ रनको योगदान दिए ।

बलिङतर्फ विराटनगर किङ्गसका शरद भेषवाकरले दुई तथा सुशील कँडेल र सन्दिप लामिछानेले एक÷एक विकेट लिए ।

एक सय ७४ रनको लक्ष्य पछ्याएको विराटनगरले १९औँ ओभरमा सवै विकेट गुमाउँदै ८७ रन मात्र बनायो । विराटनगरका लागि दिपेन्द्रसिंह ऐरीले २४ बलमा ३१ रन र कप्तान शरद भेषवाकरले १३ रन बनाए ।

बलिङतर्फ काठमाडौँका सन्तोष भट्टले तीन, भुवन कार्की र बसन्त रेग्मीले दुई÷दुई तथा मञ्जित श्रेष्ठ र सोमपाल कामीले एक÷ एक विकेट लिए । खेलको ‘वेल्स क्याफे म्यान अफ द म्याच’ वनेका सुमित महर्जनले रु १० हजार पुरस्कार प्राप्त गरे ।

बिहिबार धनगढी र कञ्चनपुर आईकोनिकबीच तथा विराटनगर किङ्गस र सिवाईसी अत्तरीयाबीच खेल हुने प्रतियोगिताका संयोजक सुवास शाहीले जानकारी दिनुभयो । रासस

वि.सं.२०७३ चैत ३० बुधवार १५:१० मा प्रकाशित

NLIC AD
NABIL bank AD
मन्त्री श्रेष्ठद्वारा सेपाकताक्रो विश्वकपमा सहभागी हुने नेपाली टोलीको बिदाइ

मन्त्री श्रेष्ठद्वारा सेपाकताक्रो विश्वकपमा सहभागी हुने नेपाली टोलीको बिदाइ

काठमाडौँ । मलेसियाको क्वालालम्पुरमा हुने सेपाकताक्रो विश्वकपमा सहभागी हुने नेपाली...

राष्ट्रिय खुल्ला हाफ म्याराथनको उपाधि सेनाका रोक्कालाई

राष्ट्रिय खुल्ला हाफ म्याराथनको उपाधि सेनाका रोक्कालाई

लुम्बिनी । राष्ट्रिय खुल्ला हाफ म्याराथन तथा रोड रेस प्रतियोगिताको...

ललितपुर मेयर कप महिला क्रिकेट : एपिएफ विजयी

ललितपुर मेयर कप महिला क्रिकेट : एपिएफ विजयी

काठमाडौँ । ललितपुर मेयर कप राष्ट्रिय महिला टी–ट्वान्टी क्रिकेट प्रतियोगिताअन्तर्गत...

विश्वकप छनोटका लागि २८ सदस्यीय नेपाली फुटबल टोलीको घोषणा

विश्वकप छनोटका लागि २८ सदस्यीय नेपाली फुटबल टोलीको घोषणा

काठमाडौँ । विश्वकप छनोटको दोस्रो चरणअन्तर्गत संयुक्त अरब इमिरेट्स (युएईं)विरुद्ध...

महभिरमा अन्तर्राष्ट्रियस्तरको ‘रक क्लाइम्बिङ’ प्रतियोगिता हुँदै

महभिरमा अन्तर्राष्ट्रियस्तरको ‘रक क्लाइम्बिङ’ प्रतियोगिता हुँदै

काठमाडौँ । खेल र पर्यटन क्षेत्रलाई सँगसँगै अगाडि बढाउनका लागि...

यस्तो बन्दै छ गौरिटारमा पौडी पोखरी र क्रिकेट मैदान

यस्तो बन्दै छ गौरिटारमा पौडी पोखरी र क्रिकेट मैदान

काठमाडौं । हेटौडाको गौरिटार रंगशालामा धमाधम खेल पूर्वाधार निर्माण हुन...