हामी सबैकाे संसारन्यूज

काठमाडाैं। पछिल्लो २४ घण्टामा काेराेना संक्रमणका कारण थप एक जना मृत्यु भएको छ । योसँगै नेपालमा कोरोनाबाट मृत्यु हुनेको संख्या १२ हजार २६ पुगेको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा थप १०६ जनामा कोभिड संक्रमण पुष्टि भएको छ । मन्त्रालयका अनुसार बिहीबार ५८१ पीसीआर र १ हजार ३ सय २ एन्टिजेन गरी कुल १ हजार ८ सय ८३ जनाको परीक्षणमा ऊक्त संख्यामा संक्रमित देखिएका हुन् । पीसीआरतर्फ ६४ र एन्टिजेन परीक्षणमा ४२ जनामा संक्रमण देखिएको हो ।

मन्त्रालयका अनुसार मुलुकभर सक्रिय संक्रमितको संख्या ४१४ पुगेको छ ।

हाल संस्थागत आइसोलेसनमा २५ जना, आईसीयूमा ७ जना र भेन्टिलेटरमा ३ जना रहेकाे मन्त्रालयले जनाएकाे छ ।