हामी सबैकाे संसारन्यूज

काठमाडौं । बुद्ध एयरको एटिआर ४२ को नमुना जहाज बनाएर आकासमा उडाएका चितवनका अभय परियारलाई बुद्व एयरले सम्मान गरेको छ ।

बुद्व एयरले १८ वर्षीय परियारको प्रतिभालाई सम्मान गर्दै नगद १ लाख पुरस्कार समेत प्रदान गरेको हो । कम्पनीका कार्यकारी अध्यक्ष वीरेन्द्रबहादुर बस्नेतले परियालाई सम्मान तथा नगद पुरस्कार प्रदान गरेका थिए ।

‘हामी उहाँलाई मोडेल निर्माणमा उहाँको कडा परिश्रम र समर्पणको लागि धन्यवाद दिन चाहन्छौं र उहाँको उज्जव भविष्यको कामना गर्दछौं ।’ बुद्व एयरले भनेको छ ।

परियारले केही दिनअघि बुद्व एयरको एटिआर ४२ को नमुना जहाज बनाएर उडाएका थिए ।