हामी सबैकाे संसारन्यूज

काठमाडौं । वाणिज्य बैंकहरुले असारमा महिनामा निक्षेपको ब्याजदर नघटाउने भएका छन् । वाणिज्य बैंकहरुको छाता संगठन नेपाल र्बैकर्स संघको मंगलबार बिहान बसेको कार्य समिति बैठकले ब्याजदरलाई निरन्तरता दिने निर्णय गरेको हो।

निक्षेपको ब्याजदरको असर बिस्तारै आधारदरमा परेर ऋणको दर घट्न थालेको बुझाइ बैंकर्समा देखिएको छ । असार मसान्तसम्म स्प्रेड दर ४ प्रतिशतमा झार्नुपर्ने व्यवस्थाले पनि ऋणको ब्याज घट्ने छ।

आगामी आर्थिक वर्षको लागि सरकारले बजेटमार्फत सरकारले मुद्रास्फीति साढे ६ प्रतिशतभित्र राख्ने लक्ष्य मौद्रिक नीतिलाई दिएको छ । सोही अनुसार मौद्रिक नीतिमा नीतिगत दरहरु तय हुन्छ । बैंकर्सहरुले मौद्रिक नीतिबाट ब्याजदरको संकेत कुर्दै असारमा निक्षेपको ब्याजदर यथावत राख्ने निर्णय गरेका हुन् ।

वैशाखदेखि बैंकहरुको निक्षेपको ब्याजदर घटाएर व्यक्तिगत मुद्दति निक्षेपमा ९.९९ प्रतिशत र बचतमा ५.४ देखि ७.४ प्रतिशतको ब्याजदर कायम गरेका छन् ।