Sansar News
काठमाडौं । नारायणगढ–मुग्लिन सडकखण्ड पुनः अवरुद्ध भएको छ ।
मुग्लिनबाट २ किलोमिटर नारायणगढतर्फ निरन्तर पहिरो झरेकाले सडक खुलाउन नसकिएको जिल्ला प्रहरी कार्यालय चितवनका प्रहरी प्रवक्ता डीएसपी विजयराज पण्डितले जानकारी दिएका छन् ।
बिहीबार बिहान चितवनको ईच्छाकामना गा.पा. ५ नारायणगढ–मुग्लिन सडकखण्डको तिन (३) नं.पुलमा माथिबाट सुख्खा पहिरो खसि दुवैतर्फि बाटो अवरोध भएको थियो । उक्त स्थानमा सडक विभागको समन्वयमा प्रहरी टोली स्काभेटर र डोजरले पहिरो पन्छाए पनि पुन : दिउँसो साढे बजे खसेको पहिरोले दुवैतर्फी बाटो अवरुद्ध भएको प्रहरीले जनाएको छ ।
डोजरको प्रयोग गरि पहिरो पन्छाउने कार्य भईरहेको, पहिरो खस्न नरोकिएकोले बाटो खुलाउन नसकिएको पनि प्रहरीले जनाएको छ ।
वि.सं.२०८० असार १५ शुक्रवार ०९:११ मा प्रकाशित
