Sansar News
काठमाडौं । ललिता निवास सरकारी जग्गा हिनामिना प्रकरणमा अख्तियार दुरुपयोग अनुसन्धान आयोगका पूर्व प्रमुख आयुक्त दीप बस्न्यातविरुद्ध पक्राउ पुर्जी जारी भएको छ ।
जिल्ला अदालत काठमाडौंले प्रहरीको केन्द्रीय अनुसन्धान ब्यूरो (सिआईबी)लाई पक्राउ गर्ने अनुमति दिएको हो ।
बस्न्यातमाथि ललिता निवासको सरकारी जग्गा व्यक्तिको नाममा लैजानको लागि सरकारी लिखत किर्ते गरेको आरोप छ ।
बस्न्यात भूमिसुधार मन्त्रालयको सचिवको जिम्मेवारीमा रहँदा सरकारी जग्गा व्यक्तिको नाममा लैजान विभिन्न पटक नीतिगत निर्णय र पत्राचार गरेका थिए ।
सिआईबीले ललिता निवास प्रकरणमा अदालतबाट ४०६ जनाविरुद्ध पक्राउ अनुमति लिएको छ ।
सिआईबीले भाटभटेनी सुपर मार्केटका सञ्चालक मीनबहादुर गुरुङ र पूर्व निर्वाचन आयुक्त सुधीर शाहसहित चार जनालाई पक्राउ गरी अनुसन्धान गरिरहेको छ ।
वि.सं.२०८० असार १५ शुक्रवार १२:३७ मा प्रकाशित
