हामी सबैकाे संसारन्यूज

काठमाडौं । कोशी प्रदेशका प्रमुख पर्शुराम खापुङ्गले कांग्रेस नेता उद्धव थापालाई मुख्यमन्त्रीमा नियुक्त गरेका छन् । प्रदेश प्रमुख खापुङ्ले उनलाई संविधानको धारा १६८ को उपधारा (२) बमोजिम मुख्यमन्त्री नियुक्त गरेका हुन् ।

कांग्रेस नेता थापाले प्रदेशसभाका ४७ सदस्यको समर्थन आफूलाई रहेको भन्दै प्रदेश प्रमुख परशुराम खापुङसमक्ष मुख्यमन्त्रीमा दाबी पेश गरेका थिए । थापाले नेपाली कांग्रेसका २९ प्रदेशसभा सदस्यसहित माओवादी केन्द्रका १३ जना (सभामुखसहित), नेकपा एकीकृत समाजवादीका चार जना, जनता समाजवादी पार्टीका एक जना गरी ४७ जनाको समर्थन देखाएका छन् ।

९३ सदस्यीय प्रदेशसभामा बहुमतका लागि ४७ सदस्यको समर्थन चाहिन्छ । उनले सभामुखसहित गठबन्धनका सांसदहरुको समर्थनमा दाबी पेश गरेका हुन् ।

प्रदेशसभामा एमालेसँग ४० र राप्रपासँग छ सांसद छन् । दुवैतर्फ बराबर भएको अवस्थामा कांग्रेससहितको गठबन्धनले सभामुखको नाम पनि राखेर बहुमत पुर्‍याएको हो । जसलाई एमाले र राप्रपाले भने विरोध गरेका छन् ।