हामी सबैकाे संसारन्यूज

काठमाडौं । नेपालका लागि बजाज मोटरसाइकलको एकमात्र आधिकारिक वितरक हंसराज हुलासचन्द एण्ड कम्पनी (गोल्छा ग्रुप)ले नयाँ पल्सर एनएस २०० र एनएस १६० बजारमा ल्याएको छ ।

गोल्छा ग्रुपका निर्देशक अभिमन्यु गोल्छाले यी दुई मोटरसाइकलले अत्याधुनिक राइडिङ अनुभव प्रदान गर्ने दाबी गरे । कम्पनीका अनुसार पल्सर एनएस २०० मा १९९.५ सीसीको लिक्विड कुल्ड तथा फ्युल इन्जेक्सन टेक्नोलोजी प्रदान गरिएको छ ।
‘अत्याधुनिक बीएसभीआई इन्जिनयुक्त यो मोटरबाइकले ९७५० आरपीएममा २४.५ पीएसको पावर आउटपुट र ८००० आरपीएममा १८.७४ एनएमको टर्कका साथ उत्साहजनक पफर्मेन्स प्रदान गर्दछ’ कम्पनीद्वारा जारी विज्ञप्तिमा उल्लेख छ । आकर्षक र आक्रामक डिजाइनका साथमा नयाँ फिचर र कार्यक्षमता यसमा रहेको कम्पनीको दाबी छ ।

त्यस्तै पल्सर एनएस १६० मा १६०.३ सीसीको आयल कुल्ड तथा फ्युल इन्जेक्सन टेक्नोलोजी सहितको बीएसभीआई इन्जिन छ । यसले ९००० आरएमपीमा १७ पीएसको अधिकतम पावर र ७२५० आरएमपीमा १४.६ एनएमको टर्क प्रदान गर्ने कम्पनीले जनाएको छ । दुवै पल्सर बाइकमा अगाडि ३०० एमएमको डिस्क ब्रेक र पछाडि २३० एमएमको डिस्क ब्रेक प्रदान गरिएको छ । पल्सर एनएस २०० को मूल्य नेपाली बजारमा ४ लाख २४ हजार ९ सय रुपैयाँ तोकिएको छ भने एनएस १६० को ३ लाख ८४ हजार ९ सय रुपैयाँ तोकिएको छ ।