Sansar News
काठमाडौं । गैरआवासीय नेपाली संघ राष्ट्रिय समन्वय परिषद् (एनआरएनए) आयल्याण्डको अध्यक्षमा प्रकाश सापकोटा निर्वाचित भएका छन् ।
जुलाई २५ मा सम्पन्न नवौ राष्ट्रिय अधिवेशन अन्तर्गत आयरल्याण्डका विभिन्न ३ क्षेत्रहरुमा भएको निर्वाचनले २०२३–२०२५ का लागि सापकोटाको नेतृत्वमा नयाँ कार्यसमिति निर्वाचित गरेको हो ।
परिषद्को उपाध्यक्षहरुमा चेतराज वली, शिव बहादुर थापा, महिला उपाध्यक्षमा सिता देवी थापा, महासचिवमा चन्द्रकाजी घले, सचिवमा तेज ज्ञवाली, कोषाध्यक्षमा प्रबिन बराल, सहकोषाध्यक्षमा सम्राट प्रसाई, महिला संयोजकमा प्रजया न्यौपाने र युवा संयोजकमा विकल पौडेल निर्वाचित भएका छन् ।
त्यसैगरी सदस्यहरुमा हरि गौतम, पर्मिस लामा, मिठु राना, सावित्री घिमीरे र इन्द्र प्रसाद पोखरेल निर्वाचित भएको प्रमुख निर्वाचन आयुक्त शुक्रराज न्यौपानेले जानकारी दिएका छन् ।
वि.सं.२०८० साउन ११ बिहीवार १५:५८ मा प्रकाशित
