हामी सबैकाे संसारन्यूज

आयल्याण्ड । गैरआवासीय नेपाली संघ, राष्ट्रिय समन्वय परिषद (एनआरएनए) नर्वेको अध्यक्षमा विष्णु गौतम निर्विरोध चयन निर्वाचित भएका छन् ।

आगामी २०२३–२०२५ को नयाँ कार्यसमितिका लागि माग भएको संख्या भन्दा बढी उम्मेदवारी नपरेको तथा तोकिएको समयभित्र कुनै पनि दाबी–विरोध दर्ता नभएपछि सबै पदाधिकारी निर्विरोध निर्वाचित भएका हुन् ।

जसको उपाध्यक्षमा खुलाबाट श्याम परियार र गणेश थापा महासचिवमा इश्वरी प्रसाद खनाल, कोषाध्यक्षमा पशुपति प्रसाद भण्डारी, सचिवमा प्रविन पराजुली (खुला) महिला संयोजकमा श्रद्धा सिंह थापा, युवा संयोजकमा असिम लम्साल र सदस्यहरुमा बालकृष्ण थापा, शालिकराम ढुंगाना, हरिकृष्ण तिमिल्सिना, शंकर काफ्ले, दिपक खतिवडा चयन भएका छन् ।

त्यस्तै आइसीसी सदस्य पदमा पबित्र बस्नेत र नवराज अधिकारी (राजन) को उम्मेदवारी दर्ता भएको र तोकिएको समयभित्र दुवैजनाबाट मनोनयन फिर्ता नभएकोले मतदानको व्यवस्था गरिएको छ ।

उक्त पदको लागि यसअघि निर्धारित जुलाई २९ मा ओस्लो र भिकेनका मतदाताका लागि ०८ः०० देखि १६ः०० बजे सम्म एनआरएनए नर्वेको कार्यालयमा र ओस्लो र भिकेनबाहिरका मतदाताका लागि हुलाकमार्फत मतदानको व्यवस्था गरिएको निर्वाचन समितिले जनाएको छ ।