हामी सबैकाे संसारन्यूज

काठमाडौं । एनआईएमबी एस क्यापिटल लिमिटेड र गोल्छा ग्रुपबीच सम्झौता भएको छ । राजधानीमा आयोजित एक कार्यक्रममा दुवैका बीचमा सम्झौता भएको हो ।

एनआईबीएल म्युचुअल फण्ड अन्तर्गत योजनाहरुको योजना व्यवस्थापक तथा डिपोजटरी रहेको एनआईएमबी एस क्यापिटल लिमिटेड र गोल्छा ग्रुप अन्तर्गत सञ्चालित कम्पनीहरु हिम इलेक्ट्रोनिक्स् प्रालि र हंसराज हुलासचन्द एन्ड कम्पनी प्रालिबीच एनआईबीएल म्युचुअल फण्ड अन्तर्गत सञ्चालित एनआईबीएल सहभागिता फण्डमा लगानी गर्ने उद्देश्यका साथ सम्झौता पत्रमा हस्ताक्षर भएको हो ।

यस सम्झौता अन्तर्गत हिम इलेक्ट्रोनिक्स् प्रालि तथा हंसराज हुलासचन्द एन्ड कम्पनी प्रालिका कर्मचारीहरुले आफ्नो इच्छा अनुरुप मासिक रुपमा आफ्नो तलबको केही अंश निरन्तर एनआईबीएल सहभागिता फण्डको व्यवस्थित लगानी योजनामार्फत लगानी गर्न सक्नेछन् । उक्त सम्झौतामा हंसराज हुलासचन्द एन्ड कम्पनी प्रालिका तर्फबाट कम्पनीका सहायक महाप्रबन्धक एचआर नीता राणा तथा हिम इलेक्ट्रोनिक्स् प्रालिका तर्फबाट उप-प्रबन्धक नीलम केसी र एनआईबीएल एस क्यापिटल लिमिटेडको तर्फबाट कम्पनीका नायव महाप्रबन्धक सचिन्द्र ढुंगानाले हस्ताक्षर गरेका थिए ।

उक्त हस्ताक्षर समारोहमा एनर्आइबिएल एस क्यापिटल लिमिटेडका तर्फबाट म्युचुअल फण्ड प्रमुख पोस्कर बस्नेत, हंसराज हुलासचन्द एन्ड कम्पनी प्रालिका तर्फबाट सहायक महाप्रबन्धक अकाउन्ट एण्ड फाइनान्स सन्तोषप्रसाद घिमिरे तथा हिम इलेक्ट्रोनिक्स् प्रालिका तर्फबाट वित्त नियन्त्रक अकाउन्ट एण्ड फाइनान्स योगेशचन्द्र पन्तको उपस्थितिमा हस्ताक्षर भएको थियो ।