हामी सबैकाे संसारन्यूज

माल्टा । गैरआवासीय नेपाली संघ राष्ट्रिय समन्वय परिषद् (एनआरएनए) माल्टाको अध्यक्षमा रेमलाल खनाल (रेम्स) विजयी भएका छन् ।

परिषद्को ३० जुलाईमा सम्पन्न तेस्रो राष्ट्रिय महाधिवेशनले खनालको नेतृत्वमा नयाँ कार्यसमिति निर्वाचित गरेको हो ।

२०२३–२०२५ का लागि निर्वाचित नयाँ कार्यसमितिको उपाध्यक्षहरुमा मधु गुरुङ, प्रेम लिम्बू, त्यनारायण झा, प्रकाश थापा, महिला उपाध्यक्षमा सबनम गुरुङ, युवा उपाध्यक्षमा बिजय परियार, महासचिवमा सन्देश के सी, उपमहासचिवमा राम प्रसाद भण्डारी, सचिवमा ममता श्रेष्ठ र भुवन झा, कोषाध्यक्षमा निरज श्रेष्ठ, सहकोषाध्यक्षमा सुबास तिम्सिना, युवा संयोजकमा गुनाखर चापागाईं (बिबेक), महिला संयोजकमा धनु तामाङ निर्वाचित भएका छन् ।

त्यसैगरी कार्यसमिति सदस्यहरुमा दिपेश गुरुङ, हरि प्रसाद पौडेल, कृष्ण भण्डारी, दामोदर लामिछाने, अनिल राना र प्रकाश तिमिल्सिना निर्वाचित भएका छन् ।

त्यसैगरी माल्टाबाट आइसीसी सदस्यमा भुवन अर्याल, नवीन गिरि र गोबिन्द खरेल निर्वाचित भएका छन् ।

एनआरएनए माल्टाको निर्वाचनमा कूल २९ सय मत खसेको थियो । उक्त मतमा आइसीसी सदस्यमा विजयी भुवन अर्यालले सबैभन्दा बढी लोकप्रिय मत प्राप्त गरेका छन् । उनले कूल खसेको २९ सय ३४ मतमा १८८६ मत प्राप्त गरेका थिए । त्यस्तै अर्का आइसीसी सदस्य नविन गिरीले १४१७ र गोविन्द खरेलले १४१७ मत प्राप्त गरेर आइसीसी सदस्यमा विजयी भएका थिए ।