हामी सबैकाे संसारन्यूज

काठमाडौं । काठमाडौंबाट पोखरा जाँदै गरेको बस त्रिशुलीमा नदीमा खस्दा ८ जनाको मृत्यु भएको छ ।

काठमाडौंबाट पोखरा जाँदै गरेको प्रदेश ३–०१–००५ ख ९९५२ नम्बरको बस आज बिहान ११ बजे धादिङको गजुरी २ चालिसे भन्ने ठाउँमा दुर्घटना हुँदा ८ जनाको मृत्यु भएको छ भने आठ जना घाईते भएका छन् ।

जिल्ला प्रहरी कार्यालय धादिङका प्रवक्ता एवम् डिएसपी सन्तु जयसवालका अनुसार उक्त दुर्घटनामा २ महिला र ६ पुरुष गरी ८ जनाको ज्यान गएको हो । जयसवालका अनुसार दुर्घटनामा घाईते भएका अन्य ८ जनाको स्थानीय अस्पतालमा उपचार भइरहेको छ ।

बस सडकबाट ४० मिटर तल त्रिशुली नदीमा खसेको थियो । बस के कारणले दुर्घटना भएको भन्ने विषयमा अनुसन्धान भइरहेको प्रहरीले जनाएको छ ।