हामी सबैकाे संसारन्यूज

काठमाडौँ । कामना सेवा विकास बैङ्कले वित्तीय साक्षरता कार्यक्रम सम्पन्न गरेको छ । बैङ्कले शनिवार शाखा कार्यालय भोटाहिटी मार्फत अमः भिसा पुचः को सहकार्यमा कमलादी गणेश थान कुमारी पूजामा सहभागी हुन आएका स-साना बालबालिकाहरू बिच वित्तीय साक्षरता कार्यक्रम सम्पन्न गरेको छ ।

बालबालिकाहरूको सुनिश्चित र उज्ज्वल भविष्यको निर्माणको लागि सानै देखि बचतको महत्त्व र बचत गर्ने बानी बसाल्ने उद्देश्यले उक्त कार्यक्रमको आयोजना गरिएको थियो । कार्यक्रममा बैङ्कका कर्मचारीहरूले नानी बाबुहरूलाई दक्षिणा, खाता खोल्ने फर्म , वित्तीय परिचालन सम्बन्धी जानकारी झोला लगायत सामग्री वितरण गरेका थिए ।

यो कार्यक्रमले आर्थिक सुरक्षा, वित्तीय व्यवस्थापन, बचत र खर्चको सन्तुलन, डिजिटल ज्ञान आदि बारेमा बालबालिकाले जानकारी लिन सक्ने विश्वास बैङ्कले लिएको छ ।